Monday, October 31, 2011

The Journey Alone.!


Saya memang suda laaaaaamaaaa ni mo pigi tingu wayang. Tapi, ada saja aral melintang. Fuhh!~

Then, one of my friend ni, dia cakap " pigi tingu real steel". siok o. ni la 1st time saya bla bla bla... ". begitu la yang si kawan tu bilang.

Jadi, saya pun apa lagi kan. Plan la ni mo pigi tingu itu muvie sama housemate.Sekali kunun, suda pula dorang pigi tingu time Friday punya break (kan Friday punya lunch break lama sikit). Jadi saya pun kempunan la menonton ini muvie.

Itu yang 2 weeks before la. Desire mo tingu muvie masi kuat ni. Tapi, teda kawan mo p tingu and teda masa. *kunun la*

So, ini hari, since saya free and blur2 ( will be continued for the whole week. duh!) saya pun cuci2 mata la web GSC. nah.! ko tingu. ko tingu apa saya nampak!



ni la muvie 1st yang saya tingu secara solo!:)

Ini la yang saya nampak. Search la dulu kunun ni di GSC. ala, suma petang or malam. X la mau kalau lambat sangat kan. Saya pun search di TGV. Adaaaaaaa! Jam 12.10 punya show. Time saya tingu ni jam 10.49 am. Apa lagi, belari2 la ni kc siap2 diri + lunch siap2 dari rumah.

Mula2 tu plan la macam ni. lepas siap tingu ni muvie, lari pigi TS la. sambung tingu Real Steel. Skali tingu, mana kan ada begitu, x larat sd meningu another muvie. Apa kan lagi kalau solo2 + lowong2 kan. hoho. Tp ada juga la pigi TS. Mo mencari wedges kunu,tapi teda yang menarik hati. *aiseh!*


Ni muvie comedy. Walaupun, tidak banyak saya ketawa2, tapi saya enjoy la tingu ni muvie. Sweet la ni Chris Evans. Yeah! Mo kasi jadi buipren suda dia ni. hoho.!

ni la c Chris Evans. Chhooooooomeeel kannn! plus encem.! hohoho.


Uish. Kalau ada yang mo pigi tingu lagi , saya maaaaauuuuu ja pigi tingu. 2nd round pun buli.!
*happy mode*

4 comments:

  1. nti sy mo tgk online ja la ni barang. sy pun rsa chris evans ni is soooooo hunky :). hehe :)

    ReplyDelete
  2. wahhhh... siok la ko buli tingu on9 ja. x pyh la buang duit. hmm. bru la sy perasan kehenseman dia ni. rupanya di fantastic 4 n the loser pn dia ada tp sy x pernah perasan. sabo je la. hidup chris evans. !Hohohoho

    ReplyDelete
  3. chris evans mmg sgt handsome. hahaha :D

    ReplyDelete